Subscribe

   Ծրագրավորումը սովորեցնում է, թե ինչպես պետք է բարդ խնդիրները բաժանել փոքր մասնիկների և լուծել դրանք, ապա ինտեգրելով` ստանալ մեկ ամբողջական լուծում: Ծրագրավորումը օգնում է տրամաբանական մտածելակերպի և խնդիրների լուծման հմտությունների զարգացմանը:

  Հարցազրույցներից մեկում Սթիվ Ջոբսն ասել է. 


<<Կարծում եմ այս երկրում բոլորը պետք է սովորեն թե ինչպես ծրագրավորել համակարգիչը, պետք է սովորեն համակարգչի լեզուն, քանի որ այն սովորեցնում է մտածել:  Համակարգչային գիտությունը ես որպես լիբերալ արվեստ եմ տեսնում>>

 

  Համակարգչային ծրագրավորումը հսկայական ճկուն գործիք է, որը օգտագործելով կարող եք կյանքի կոչել զարմանալի և անհավանական գաղափարներ:

 

  Այսօր մենք չենք կարող պատկերացնել մեր կյանքն առանց ինտերնետի, ժամանակակից տեխնոլոգիաների և նորարարության: Եթե դուք օգտագործում եք սմարթֆոն, ծրագրային հավելվածներ կամ ձեր մեքենան փակում եք հասարակ կոճակի օգնությամբ, ապա պետք է իմանաք, որ այդ բոլորը  կատարվում է ծրագրավորման շնորհիվ:

  Ահա որոշ պատճառներ, թե ինչու պետք է սովորել ծրագրավորում և սկսել ինքներդ ստեղծել նորարական ծրագրեր.

  • Կզարգացնեք կառուցվածքային և ստեղծագործական մտածողություն

  Նախ, կոդավորումը զարգացնում է կառուցվածքային և ստեղծագործական մտածողություն: Երբ սկսեք սովորել ծրագրավորում, բոլոր խնդիրներին կսկսեք նայել այլ տեսանկյունից:
Դուք ծրագրավորում եք ձեր ուղեղը` լուծելով մի շարք խնդիրներ և ավելի լավ հասկանալով դրանք: Տրամաբական խնդիրներ լուծելը հանգեցնում է ավելի ստեղծագործ լուծումների, որոնք երբևէ տրվել են ձեզ:

  • Ստեղծել և իրականացնել նոր գաղափարներ

   Գրելով կոդ` կարող եք ստեղծել կայքեր, հավելվածներ, որնցով կարող եք փոխել միլիոնավոր կյանքեր: Թե ինչպես է ձևափոխվել միջազգային տնտեսության կառուցվածքը, որքան նոր աշխատատեղեր և մասնագիտություններ են ստեղծվել առցանց գնումների համակարգի զարգացման արդյունքում` անհավանական կարող էր թվալ մինչ համակարգչային գիտության զարգացումը և հանրամատչելի դառնալը: Այդ ամենը իրականացվել է կայքերի և ծրագրավորման շնորհիվ: Ծրագրավորումը հեշտացնում է ամեն ինչ:  Հասարակ համակարգչային ծրագրավորումն ունակ է ստեղծել ամեն ինչ այնպես, ինչպես կցանկանաք:

  • Ծրագրավորումը կսովորեցնի լինել հաստատակամ:

  Համակարգչային ծրագրավորում սովորելիս հանդիպելու եք տարբեր բարդության խնդիրների, որոնք պահանջելու են արագ և օպտիմալ լուծումներ: Հաղթահարելով դրանք, հաջորդիվ սկսում ես տեսնել խնդիրները իրենց լուծումներով:  Որքան դժվար է թվում խնդիրը, այնքան  վճռական եք դառնում այն լուծելիս: Համակարգչային ծրագրավորումը հզոր է: Նույնիսկ, եթե դուք գիտեք պարզապես ծրագրավորման հիմունքները, կարող եք պատկերացնել մի շարք խնդիրների լուծումներ, որոնք մինչ այդ անլուծելի էին թվում:

 

Ինչու՞ պետք է երեխաները սովորեն ծրագրավորում

  Անդրադառնալով երեխաներին՝  Ջոբսն ասել է . 

«Ես հավատում եմ, որ երեխաները պետք է սովորեն կոդավորում: Նրանք դա  պետք է սկսեն վաղ տարիքում, և զարգացնեն իրենց հմտությունները նախքան դպրոց հաճախելը»։

 

  Ծրագրավորում սովորելը կօգնի երեխաներին ավելի շուտ ընկալել և կիրառել նորագույն տեխնոլոգիաները: Շատերը կարող են անգամ չդառնալ պրոֆեսիոնալ ծրագրավորող, բայց ինչ մասնագիտություն էլ նրանք ընտրեն, ծանոթ լինելով ծրագրավորման հիմունքներին, կլինեն ճկուն և կկարողանան հարմարվել գերարագ տեմպով զարգացող տեխնո աշխարհի թելադրած նոր կանոններին:

  Երեխաները պետք է ծրագրավորեն համակարգիչը, այլ ոչ թե ծրագրավորվեն:

 

 

Թեմաներ

Ամենաշատ դիտվածները